Gəncə şəhərində Tullantı Sularının Təmizlənməsi Qurğusu (TSTQ) tikintisi layihəsinə dair elan

Azərbaycan Dövlət Su Ehtiyatları Agentliyi (ADSEA) Gəncə şəhərində Tullantı Sularının Təmizlənməsi Qurğusu (TSTQ) tikməyi planlaşdırır. Təklif olunan TSTQ Gəncə şəhərindən 2,3 km şimalda, tikintisinə 1980-ci illərdə başlanılmış, lakin tamamlanmamış mövcud TSTQ-nin yerində tikiləcək. Gəncə TSTQ layihəsinin Avropa Yenidənqurma və İnkişaf Bankı (AYİB) tərəfindən maliyyələşdirilməsi planlaşdırılır.

Layihə AYİB-in tələblərinə və milli qanunvericiliyə uyğun olaraq Ətraf Mühitə və Sosial Təsirin Qiymətləndirilməsi (ƏMSTQ) prosesindən keçmiş və ƏMSTQ sənədlərinin ilkin variantı hazırlanmışdır. Beynəlxalq kreditor standartlarına uyğun olaraq, ADSEA 15 dekabr 2025-ci ildən 14 aprel 2026-cı ilə qədər 120 günlük ƏMSTQ açıqlama müddəti elan etmiş və ƏMSTQ sənədlərini https://adsea.gov.az/page/ganja-city-project-ebrd internet səhifəsində ingilis və Azərbaycan dillərində dərc etmişdir.

ƏMSTQ sənədlərinin təqdim edilməsi və müzakirəsi üçün ictimai məsləhətləşmə görüşləri aşağıdakı tarixlərdə keçiriləcək:

· 4 mart 2026-cı il, saat 10:00-da, Samux şəhəri, Samux Rayon İcra Hakimiyyətinin binasında Konfrans Zalı, Heydər Əliyev prospekti 70.

· 5 mart 2026-cı il, saat 10:00-da, Gəncə şəhərində, "İri Şəhərlərin Birləşmiş Su Təchizatı Xidməti" Gəncə ("SuKanal")  İdarəsinin Konfrans Zalı, Ü. Hacıbəyov küçəsi 76.

Bütün maraqlı tərəfləri - Samux rayonu və Gəncə şəhər sakinlərini, ictimai təşkilatların, elm və təhsil müəssisələrinin nümayəndələrini ictimai məsləhətləşmə görüşlərində iştirak etməyə dəvət edirik.